«Վարդան Ղուկասյանը ավելի շատ հարց է լուծում Հայաստանում, քան ցանկացած նախարար»․ հանդիպում արցախցիների հետ (տեսանյութ)
Օրեր առաջ ԴՕԿ կուսակցության ղեկավար Վարդան Ղուկասյանը իր հաղորդման ընթացքում անդրադարձել էր Արցախից տեղահանված մեր հայրենակիցների բարձրացրած խնդրին։ Բանն այն է, որ մի շարք արցախցիներ չեն ստացել պետության կողմից տրամադրվող 50,000-ական դրամ աջակցությունը։
Վարդան Ղուկասյանը արցախցիներին հրավիրել էր Մոսկովյան 33ա հասցե: Հանդիպմանը ներկա էր նաև նախկին պատգամավոր Գևորգ Պետրոսյանը։
«Վարդան Ղուկասյանն այսօր, Հայաստանից դուրս ապրելով, ավելի շատ հարց է լուծում Հայաստանում, քան ցանկացած նախարար։ Դրա համար ես իր խնդրանքով, իր հորդորով եկել եմ հանդիպեմ ձեզ հետ, որովհետև ես հավատում եմ, որ ինքը ճիշտ բան է ուզում անել այս երկրի համար»,- հանդիպման ընթացքում ասաց Պետրոսյանը։
Հանդիպման ընթացքում լիազորեցին Գևորգ Պետրոսյանին, որպեսի նա արցախցիների խնդրի հարցով դիմի դատախազություն։
Մանրամասներ տեսանյութում։
Աշտարակի քաղաքապետը որոշել է հրապարակից հեռացնել իտալացի հայտնի քանդակագործի արձանը՝ այն անվանելով «էրկաթ»․ Վիգեն Ավետիսը ահազանգում է
Հայտնի հայ քանդակագործ Վիգեն Ավետիսը ֆեյսբուքյան իր էջում ահազանգում է, որ Աշտարակի քաղաքապետը որոշել է հրապարակից հեռացնել պրոֆեսոր Մասսիմո Լիպպիի, ՍԻԵՆԱ, Իտալիա «Խաղաղության ծառ» ժամանակակից արվեստի գլուխգործոցը՝ այն անվանելով «էրկաթ»։
«Աշտարակ քաղաքի ավագանու և քաղաքաշինության խորհրդի որոշմամբ, քանդակը տեղադրվել է 2014 թվականին։ Հիմա մի մարդ, առանց հեղինակից թույլտվություն հարցնելու, որոշում է, որ այն՝ Ավելորդ է և պիտի դրվի՝ ՍԱԴՈՒՄ։ Սա ի՞նչ շեյխական իշխանություն է։ Ես իմ ամբողջ ուժերով պիտի կանգնացնեմ վայրագությունը և ակնկալում եմ հայ և միջազգային հանրության աջակցությունը»,- գրել է Վիգեն Ավետիսը։
Նշենք, որ դեռևս 2014-ին Աշտարակ քաղաքի Ներսես Աշտարակեցու հրապարակում տեղադրվել է իտալացի հայտնի քանդակագործ Մասսիմո Լիպպիի՝ Աշտարակ քաղաքին նվիրաբերված «Խաղաղության ծառ» արձանը։ Քանդակն ունի 9մ բարձրություն, պատրաստված է պողպատից` զոդման տեխնոլոգիայով, բաղկացած է 7 հանգույցից, որոնցից յուրաքանչյուրը խորհրդանշում է աշխարհի արարման օրը:
Մյուռոնը՝ հաշտության նշան
Եկեղեցու հայրերը մյուռոնը անվանում հաշտության յուղ: Մասյացոտնի թեմի առաջնորդ Գևորգ եպիսկոպոս Սարոյանի մեկնաբանմամբ եկեղեցին նկատի ունի ներքին՝ ազգային, նաև միջանձնային հաշտություն։ Ըստ նրա՝ հաշտությունը քրիստոնեական իմաստով ներում է։ Ինչպե՞ս կարելի է հաշտության գալ, երբ հանրային կյանքում կան բազմաթիվ անհամաձայնություններ, մինչև իսկ՝ թշնամանք: Աննա Սարգսյանը Գևորգ եպիսկոպոս Սարոյանի հետ քննարկել է մյուռոնի, հաշտության և ներման շղթայական կապը։