Այսօր Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի գահակալության 25-րդ տարեդարձն է:
Մասյացոտնի թեմի առաջնորդ Տ. Գևորգ եպիսկոպոս Սարոյանի, թեմի հոգևորականների ու հավատացյալների անունից որդիաբար շնորհավորում ենք Նորին Սրբությանը՝ Հայրապետական գահակալության 25-րդ տարեդարձի առիթով։
Ամենքիս ջերմագին աղոթքն է առ Աստված, որպեսզի Տերը մշտամնա իր օրհնությամբ զորակից լինի Վեհափառ Հայրապետին՝ շարունակելու համար հովվապետական իր սրբազան առաքելությունը՝ հանուն հավատավոր մեր ողջ ժողովրդի հոգևոր կյանքի առաջընթացի։
Թող Բարձրյալն Աստված քաջառողջ ու երկար տարիների կյանք պարգևի Նորին Սրբությանը և անսասան պահի Մայր Աթոռ Սուրբ Էջմիածինը:
Ամեն հայի սրտից բխած,
Լսիր այս ձայն, ով Աստված.
Երկար կյանք տուր Հայրապետին,
Երկար օրեր Հայոց Հոր.
Տեր, անսասան պահիր դու միշտ
Քո իսկ հիմնած Մայր Աթոռ։