Պետդուման երրորդ և վերջին ընթերցմամբ ընդունել է Ռուսատանի Դաշնության քաղաքացիության շնորհման ընթացակարգի պարզեցման մասին օրինագիծը:
Այս մասին գրում է «ՏԱՍՍ» լրատվական գործակալությունը: Օրենդրական նախագծին կողմ են եղել բոլոր խմբակցությունները:
Օրենքը նախագահին հնարավորություն է տալիս որոշելու, թե որ օտարերկրացիները պարզեցված կարգով ՌԴ քաղաքացիություն ստանալու իրավունք ունեն:
Պարզեցված սխեմայով քաղաքացիություն ստանալու դիմումատուները ազատվում են հետևյալ պարտադիր պահանջներից`
ՌԴ-ում բնակություն հինգ տարի ժամկետով,
ապրուստի հաստատված իրավական աղբյուրի առկայություն,
այլ քաղաքացիության առկայություն,
ռուսերենի իմացություն:
Անդրեյ Իսաևը, «Միասնական Ռուսաստան» խմբակցության ղեկավարի առաջին տեղակալը, նախօրեին լրագրողներին բացատրեց, որ օտարերկրյա պետության քաղաքացիության մասին ծանուցելու կարգի այդպիսի բարելավումը հատկապես կարևոր է Ուկրաինայի քաղաքացիների համար:
«Ռուսաստանում 3-4 միլիոն ուկրաինացի կա, և ոմանք չեն վերադառնալու Ուկրաինա: Քաղաքացիություն ստանալու պահանջներից մեկը այլ պետության քաղաքացիությունից հրաժարվելն է, բայց Ուկրաինայի իշխանությունները չեն շտապում քաղաքացիությունից հրաժարումը հաստատել», – ասել է նա: Միաժամանակ պարզեցվում է հայրենադարձներին քաղաքացիություն շնորհելու կարգը: Նրանք կկարողանան դիմում ներկայացնել ոչ թե գրանցման, այլ գտնվելու վայրից: